Чачан Республикаялъул бетIер Къадыров Рамзаница ракIалдаго гьечIого кIудияб ахIи-хIар багъаризабуна дунялалъул прессалда, жиндирго Инстаграммалда гьересияб информация загьирабун. Гьес лъазабуна Цолъарал Штатаз, Евроцолъиялъ, Цолъарал Миллатазул ГIуцIиялъ ва гIемерал цогидал улкабаз террористкияблъун рикIкIунеб «Исламияб пачалихъ» абулеб багъа-бачариялъул бутIрузул цояв Тархан Батирашвили – тIокIцIар – ГIумар аш-Шишани – чIван вугин абун. Щайха гьес гьадинаб гъалатI гьабурабали?
