Жакъа гьаб программаялда нижеца цебе лъолеб гьечIо кинаб гимн Дагъистаналъул букIине кколеб абураб суал.
Эспертаз ва туснахъазда рукIарал гIадамаз кIвар буссинабулеб буго гIадамал жанир тIамурал бакIазда исламалъул кIвар цIикIкIунеб букIиналде ва гьелъ криминалиял элементазул ай «блатноязул» къанунал нахъе цулел рукIиналде.
Дагъистаналъул Унсоколо мухъалъул Генуб росулъа 49 хъизаналъ гIумру гьабулеб буго Туркиялда. Гьел гьенире гочун руго ахираб кIиго-лъабго соналда жаниб, гьез абухъе, росулъ хасал операциял тIоритIулаго гьезие букIараб тIадецуялдаса лъутун.
Унсоколо мухъалъул Генуб росулъ зама-заманаялда хасал операциял гьаризе байбихьаралдаса исана тIубала анкьго сон. Гьеб заманаялда жаниб лъагIалида жаниб чанго операция гьабурабги, лъагIелалъ КТО нахъе бахъичIеб мехги букIана гьениб. КIиго сон буго геназул I4 соналдаса тIаде ригь бугел гIадамазе хасал номерал кьуралдаса. Росулъе ина-рачIинаго гьеб бицине кколеб буго гьез жегиги росулъ ругел аскариязде. Гьел номералги нахъе рахъейин хасал сияхIазде росарал жидер цIаралги нахъе гьарейин гIарз буго гьезул.
Исана декабралда тIубала 20 сон Чачаналъ тIоцебесеб рагъ байбихьаралдаса. Официаялиб куцалда гьеб рагъалде абулаан Чачан Республикаялда конституционияб низам чIезабиян, цоги гьелда абула чачаназул конфликт яги Чачанлъиялда тIоцебесеб компания абун. ХIакъикъаталда гьеб букIана 1991 соналда жибго лъидаго бачIеб букIиналъул лъазабураб Чачаназул Республика Ичкериялда ва Россиялъул аскариязда гьоркьоб рагъ.
Россиялде сталинизмал ай Сталинил заманаялъул лексикон тIадбуссунеб бугин рикIкIунеб буго журналист ва блогер Филипп Кацица. Гьелъул бицунеб жиндирго макъалаялда гьес кьолел буго улкаялъул доб заманаялъул ва гьанжесеб заманаялъул нухмалъиялъул лъазабиязул ва каламазул жинцаго гьабураб цIех-рехалъул хIасил ва гьесда гьениб батун буго гIемераб цоцазда релъараб бакIал. Сталинизмал тIадруссиналъ жибго сталинизм тIадбуссиналъул хIинкъи букIинеги рес бугин рикIкIунеб буро Россиялъул блогераз ва гьеб ахIвал-хIалалда хадуб хал кколез.
Араб лъагIалида жаниб Крымалда ханлъи гьабулеб буго хIинкъиялъ-активистал рикъулел руго, гьел рухулел руго, чIвалелгицин руго. Гьедин абулеб буго инсанасул ихтиярал цIуниялда сверун Amnesty International гIуцIиялъул 18 марталда къватIибе бачIараб докладалда.
Исана 23 февралалда тIубала 71 сон чачаналгун гъалгъаязе депортация гьабуралдаса. Гьезда хадубго депортация гьабун букIана балкаразе, гъарачаязе, крымалъул татаразе ва цогидазе.
Дагъистаналда къанун букIине кколеб куцалда гуреб букIине кколареб куцалда цIунун бугин рикIкIунеб буго Гъизилюрт мухъалъул Кироваул росулъа Насибова Хадижатица. Гьелъул яс ПатIимат туснахъалда йигелдаса гьал къоязда тIубана ункъго моцI.
Араб анкьалда Россиялда ракIалде щвезарулел рукIана политикиял репрессиязул къурбанал. ЧIегIер баялъул тадбирал тIоритIулел рукIана улкаялъул анцI-анцI шагьаразда.
Гьаб сагIатаялда дунялалъул информалатазул кIвар буссун буго аслияб куцалда кIиго рагъулаб конфликталде. Цояб буго «Исламияб пачалихъин» жинда абулеб экстремистияб къукъаялъ ГIиракъалда ва Сириялда гьабулеб рагъ, цогияб буго Украиналъул жанубиягун-машрикъалъул рахъалда рагъулаб конфликт. Цо-цо баяназда рекъон гьеб кIиябго конфликталда буго дагъистаниязул гIахьаллъи. Амма чияр улкабазда унел гьел конфликтазда гIахьаллъараздехун официалияб нухмалъиялъул бербалагьи буго батIи-батIияб.
Цойги
