Кенхи росулъа Рамазан Жалалдиновасул хъизам 13 маялъул рогьалида Дагъистаналъул гIорхъоте рехун руго хIал гьабун Чачан республикаялдаса нахъе ритIун.
АрбагI къоялъ къуваталъул идарабазул хIалтIухъабаз ккун вугев МахIачхъалаялъул генерал ГIумаровасул цIар кьураб къотIноб бугеб салафиязулин абулеб Тангъим мажгиталъул пресс-секретарь МухIамадов МухIамад щай ккун вугевали жеги официалиял баянал щолел гьечIо. Гьединго жеги адвокатги виччалев гьечIо гьесухъе.
Дагъистаналдаса адвокат ГIадильгерей ГIумаровасул ва гьесул лъади Гъизилюталъул федералияй диванчIужу Залму ГIумаровалъул рокъоб хасал идарабаз чIухь баялда хурхун адвокатас хъван букIараб гIарзалъул халгьаби байбихьулеб буго исана июналда Инсанасул ихтиярал цIунулеб Европаялъул халкъазда гьоркьосеб диваналда.
«ГIорхъаби лъаларел репортерал» абураб халкъаздагьоркьосеб хIукуматалъул гуреб гIуцIиялъ бахъана иргадулаб санайилаб «Прессаялъул эркенлъиялъул индекс» абураб доклад. Гьелда къимат кьолеб буго I80 улкаялда информалатазул эркенлъиялъул даражаялъе.
КIиго соналъ цеве Нугъай мухъалъул жанисел ишазул бутIаялда жанив полициялъул подполковник Сайпулакъади Жамалудиновас гъванщилъ таманчаги речIчIун чIван вукIана 22 сон барав Эрадил Асанов.
Цойги
