Cпорт

Мельдониялъ Олимпиадаялъул нухде заз бана

«Киса кибего щвараб гьабго щиб ришватчилъи?»

ГIолилазул коммандаялдаса Анжиялъул аслияб коммандаялде хIазе рес щвезе ккани гьеб гIарац кьечIого жо кколароанила, гьеб кьезе инкар гьабуни киданиги аслияб къокъаялда цадахъ хIазе ресги щолароанила.

«Анжиялъул» ресал ругищ Премьер-лигаялда щулалъизе?

Гьал къоязда цIигьабун байбихьизе буго Россиялъул футболалъул Премьер-лигаялъул сезон. МахIачхъалаялъул «Анжи» клубалда церечIарал масъалаби кIудиял ругин абулеб буго клубалъул нухмалъиялъ. ХутIизе бугищ «Анжи» Премьер-лигаялда абураб суалалда тIасан футболалъул эксперталгун гара-чIвари гьабуна нижеца.

ММА: Дунялалъул чемпионат Прагаялда

Ноябралъул 26 къоялдаса 29 къоялде щвезегIан Прагаялда тIобитIизе буго гугаригун рагъ жубазабураб спорталъул тайпаялъул ММА версиялда рекъон Дунялалъул чемпионат. Гьелда гIахьаллъизе бугеб Россиялъул команда тIубанго дагъистанияздасан гIуцIун бугин абизе бегьула. Нижеца гара-чIвари гьабуна гьеб гIуцIараб Чехиялъул гугаригун рагъ жубазабураб спорталъул тайпаялъул ай ММА-ялъул Цолъиялъул нухмалъулев Перт Карешгун.

Допингалъ спорталда «чIел» босун буго

Информалатазда цIикIкIунеб буго Россиялъул тIадагьаб атлетикаялда ва допингалда хурхараб скандалалъул хъуй. Допингазде данде бугеб тIолгодунялалъул Агентлъиялъ гьал къоязда загьир гьабураб докладалда абулеб буго Москваялда допингал тIатинарулеб лабараториялъул хIалтIуде гъорлъе лъугьун ФСБялъ ва Минспорталъ жидее данде кколарел тестазул хIасилал тIагIинаризелъун гьелъие тIадецуй гьабулеб букIанин.

«Анжиялъ» галаби нахъехун тIамулел руго

МахIачхъалаялъул «Анжи» клубалъул иргадулав бетIерав тренерасги къо-лъикI гьабуна командаялъулгун. Чанго моцIалъ цеве гьениве тIамун вукIарав Юрий Семин гIодов чIана гьеб хъулухъалдаса. Гьев нахъе иналъе аслияб гIиллалъун рехсолеб буго премьер лигаялде тIадбуссаралдаса МахIачхъалаялъул клубалъ цониги ракIчIараб бергьенлъи босичIолъи.

Артур Бетербиев - боксалъул цIияб цIва

2000 соналда Сиднеялда букIараб Олимпиадаялъул хIасилал гьарулаго Дагъистаналъул прессалда загьирабун букI ана цо интересияб инфографика. Масала батIи-батIиял улкабазул спортивияб къадру цIунулел дагъистаниял жидерабго миллияб къукъа хIисабалда доб Олимпиадаялда гIахьаллъарабани, Дагъистаналъул команда 26- бакIалда букIинаан, Иран, Туркия, Дания, Финляндия, Югославия, Бразилия ва гIемерал цогидал церетIурал улкаби нахъе тун.

Хунзахъ чуял риччай

8 августалда Хунзахъ тIобитIун буго чуял риччай. Тадбир тIобитIун буго «Сумма» абураб компаниязул къокъаялъул нухмалъиялъул квербакъиялдалъун. Чуязул спорт Дагъистаналда цебегоялдаса нахъе тIибитIараб бугин ва гIолилазул гьелде рокьи базабизе кколин лъазабуна жиндирго кIалъаялда чуял риччаялъухъ балагьизе вачIарав Дагъистаналъул муфтий АхIмад–хIажи ГIабдуллаевас.

Дагъистанияй боксалъул чемпион

Дагъистаналъул Хунзахъ мухъалдаса СагIадат ГIабдулаева гьал къоязда яхъана ТIологороссиялъулал боксалъул къецазул чемпионлъун. Гьеб ккола гьелъул лъабабилеб бергьенлъи. 2012 соналдаса нахъе СагIадат гIумру гьабун йиго Москваялда, гьенийго хьвадула боксалъул школалдеги. Гьелъул бищун кIудияб мурад буго 2016 соналъ Рио Де Жанейро шагьаралда тIоритIизе ругел Олимпиялъул хIаязда гIахьаллъизе. Гьеб киналъулго хIакъалъулъ гьелъ гIатIидго бицунеб буго нижергун гара-чIвариялда.

Лъабго «меседгун» тIадруссана дагъистаналъул гугарухъаби

ГьатIан къоялда рагIалде рахъана Красноярск шагьаралда унел рукIарал эркенаб гугариялъул рахъалъ, машгьурав гугарухъан Иван Ярыгинил цIаралда къецал. Дагъистаналъул тIасабищараб командаялъул лъебергоялдасаги цIикIкIарав чияс гIахьалъи гьабуна гьениб исана. Гьезда гьоркьосан, лъабгоясе щун буго меседил, кIигоясе гIарцул ва лъабгоясе мазгарул медалал.

Лъица ва щай чIварав футболист?

«Анжи» клубалъул футболист МухIамадов ХIасан мекъиги ккун чIван ватулин рикIкIунеб буго цIех-рехчагIаз. ЧIварасул гIагарлъиялда бичIчIулеб гьечIо ХIасаница лъие квал-квал гьабулеб букIарабали. Лъица ва щай гьев чIварав?