МагъчIваялъе рес

«Анжиялъул» ресал ругищ Премьер-лигаялда щулалъизе?


"Анжи" клубалъул фанатал
"Анжи" клубалъул фанатал

Гьал къоязда цIигьабун байбихьизе буго Россиялъул футболалъул Премьер-лигаялъул сезон. МахIачхъалаялъул «Анжи» клубалда церечIарал масъалаби кIудиял ругин абулеб буго клубалъул нухмалъиялъ. ХутIизе бугищ «Анжи» Премьер-лигаялда абураб суалалда тIасан футболалъул эксперталгун гара-чIвари гьабуна нижеца.

«Анжиялъул» ресал ругищ Премьер-лигаялда щулалъизе?
please wait

No media source currently available

0:00 0:04:03 0:00
Интернет-мухъ

Щуабилеб марталда хасалил гьоркьобкъотIиялдаса хадуб цIидасан байбихьизе буго Россиялъул ТIадегIанаб лигаялъул футболалъул сезон. ГьабсагIат турниралъул сияхIалда анцIила ункъабилеб бакIалда бугеб МахIачхъалаялъул Анжиялъе гьеб кколин цIакъ кIвар цIикIкIараб сезонин абулеб буго футбол бокьулел дагъистанияз.

Гьел ралагьун руго цIиял хIаял тIаде щвеялъухъ. ХутIизе бугиш «Анжи» Премьер-лигаялда ва кинал ругел гьелъие ресал? Гьеб суалалда тIасан «Эркенлъи» радиоялъ гара-чIвари гьабуна Дагъистаналъул футболалъул эксперталгун. Журналист ва футболалда хадуб халкколев Ильяс Тимиркъаевас гьадин загьир гьабуна жиндирго пикру гьелда тIасан.

Ильяс Тимиркъаев «Сезон цIидасан байбихьиялда хурхун чанго лахIзатал руго гьанир кIвар кьезе кколел. ТIоцебесеб иргаялда сезон байбихьулеб тренер хIисабалда команадаялда гъорлъ щулалъарав Руслан Агъаларовас.

Гьеб цIар кIвар бугеб хIужалъун рикIкIуна дица. Руслан Агъаларов цевеккун Анжиялъул вукIарав футболист ккола, гьелдаса хадуб гьес гIемерал дарсал росана тренерлъиялъул махщалие батIи-батIиял хIалбихьи бугел тренеразухъан.

РакIалде ккола гьесухъа бажарилин клуб Премьер лигаялда цIунизеян. Амма гьаниб хIисабалде босизе ккола Анжиялда гIемер гIолохъанал, хIалбихьи гьечIел футболистал рукIинги. Цо рахъалъ балагьани гьелъулъ цо тIокIлъиги буго, гIолохъаналщиназда кIола ахIвал-хIал хисизабизе, гьезул гIураб хIалбихьи гьечIониги, гьединлъидал гьезде хьул гьабизе бегьула.

Ва лъабабизеги сезон цIигьабилеледе цебе букIараб гьоркьоб къотIиялда Анжиялъ пайда босана транфералъул дараналдаса. ЦIиял футболистал рачIана командаялде. Гьел киналго рахъалги хIисабалде росун абизе бегьула Анжиялъул квешал ресал гьечIин премьер лигаялда жидерго бакI щула гьабизе».

2011 соналда «Анжиялъул цIияб тарих» абураб ахIиялда гъоркь клубалъ байбихьун букIана цIияб куцалда хIазе. Гьеб букIана олигарх Сулейман Керимовас клуб босараб заман. Амма 2013 соналда циндаго хиса-басиял ккана команаялда гъорлъ. Керимовас цIакъ кIудияб багьаги кьун командаялде росун рукIарал легионерал цо-цоккун командаялдаса нахъе ана. Доб мехалъ чангияз абулеб букIана гьанже «Анжиялъул» иш лъугIанилан.

Амма легионерал гьечIониги кIвезе бугин командаялда жиндирго цIар машгьур гьабизе, нилъергоги ругин цIиял футболистал гIезаризе ресилан абулеб букIана экспертаз. Гьелдаса хадубги чанго хиса-басиял ккана Анжиялда. 2014 соналъул маялда гьеб махIрумалъун букIана Премьер лигялда хIазе. Гьоркьоб заман ун хадуб цIидасан гьенибе нахъбуссинеги кIвана гьелда

Гьединго чанго тренерги хисана Анжиялъ. Араб соналъул октябралда Анжиялъул вукIарав тренер Юрий Семин тренерасул хъулухъалдаса нахъе аравго цадахъго ракун рукIана харбалги, клубалъул хважаин, Дагъистаналдаса олигарх Сулейман Керимовас клуб дагь-дагьккун тезе рагIулилан. Амма гьел харбал хIакъикъатлъун лъугьинчIо.

Гьаниб гьединго ракIалде щвезабизе бегьула цоги гьадинаб хIужаги; 2013 соналъул августалда Анжиялъул тренеразулгун букIараб дандчIваялда Керимовас лъазабун букIана церчIарал захIмалъабазухъ ва ккарал хиса-басиязухъ балагьичIого бачIунеб щуго соналда жаниб МахIачхъалаялъул команда бищун цересел бакIазде бахъинабизе бугин жиндицаян.

Исанасеб Премьер-лигаялъул цIияб сезоналда Анжиялъ тIоцебесеб хIай тIобитIизе буго 7 марталда, Капийскалъул Анжи-Аренаялда Пермь шагьаралъул Амкар абураб командагун.

XS
SM
MD
LG