ЦIех-рехалъул материалазда рекъон, Амировас къасд гьабуна Джапаровасул кумекалдалъун Пенсиязул фондалъул Дагъистаналда бугеб идараялъул нухмалъулев Сагид МуртазагIалиев чIвазе. «Стрела-2» абураб зенитно-ракетнияб комплексги хIалтIизабун МуртазагIалиев жаниб вугев самолет кьвагьизабизе ракIалда букIанин Амировасдаилан рикIкIунеб буго цIех-рех чагIаз. Гьезул рагIабазда рекъон, Хасавюрталъул прокурорасул кумекчи МухIамад ГIабдулхIалимовас чIвазе кколев вукIун вуго МуртазагIалиев. Гьанибго тIаде жубала диван гьабулеб буго Ростов-на-Донуялда бугеб Шималияб Кавказалъул рагъулаб диваналда, щайгурелъул Россиялъул тIадегIанаб диванханаялъул хIукмуялда рекъон, Дагъистаналда диван гьабунани нугIзазе хIинкъгьечIолъи чIезабизе захIмат букIина
24 апрелалда диваналъул данделъи гъалмагъиралдаса байбихьана. Амировасулгун Джапаровасул адвокатазул къокъаялда гъорлъ пачалихъалъул лъабго адвокат ккезавуна диванчи Олег Волковас. Адвокатазул цевехъан Владимир Постанюкица абуна жидее цогидал адвокатал къваричIин, вугев анцIго адвокат гIелин. Амма диванчияс адвокатасул гьари къабул гьабичIо. Волковас абуна пачалихъалъул адвокатал ургъунго рачарал ругин диваналъул данделъиял щиб букIаниги сабаблъун гьоркьоса къотIинчIого рукIиналъе гIолоилан.
ТIоцебе диваналда рагIи кьуна прокуроразе. Гьез абуна Амировас Дагъистаналда жиндирго авторитет цIикIкIинабулеб букIанин санаидаса санаиде ва гьесда гIенеккулин республикаялда ругел политикал, депутатал, жамгIиял хIаракатчагIи. Амировасул оппозициялда вукIанин МуртазагIалиевилан абуна прокурорас. Гьесул рагIабазда рекъон, Амировасе рекIее гIун гьечIо МуртазагIалиевасул карьера ва олимпияв чемпион Пенсиязул фондалъул идараялъул нухмалъиялда вачIун хадуб, гьесулгун МахIачхъалаялъул мэрасул гьоркьолъаби жеги хIалуцун руго.
Прокурораз гьединго бицана Амировасе Дагъистаналъул нухмалъулевлъун вахъине бокьун букIанин ва гьелъие гIоло гьес МуртазагIалиев чIвазе теракт хIадурулеб букIанин. МуртазагIалиев Амировасда вихьулев вукIун вуго президентасул кресло щвезе бегьулев аслияв кандидатлъунилан абуна диваналда прокуроразул цояс. Гьесул рагIабазда рекъон, 2010 соналъул ноябралда Амировасул кабинеталде ГIабдулхIалимовгун вачIун вуго Джапаров. ИмгIаласда гьес абун буго теракт ГIабдулхIалимовас хIадур гьабилин. Амировас Колхозникасда (гьеб буго ГIабдулхIалимовасул тIокIцIар) абун буго 150 азарго долларги кьун «Стрела-2» абураб зенитно-ракетнияб комплекс босеян. Прокурораз бицухъе, гьеб «Стрела-2» Колхозникас 2012 соналъул марталда босун буго ва бахчун буго Гъарабудахкент мухъалда бугеб жиндирго блиндажалда. Амма МуртазагIалиев чIваялъе хадуб щибго гьабулеб букIун гьечIо Колхозникас, тIадежоялъе гьесулгун лъай-хъвай бугеб чиясда бицун буго Амировас теракт гьабизе тIадкъанин жиндаилан. Гьев чияс кинабго МуртазагIалиевасда бицанаилан абуна диваналда прокурораз. Гьезул рагIабазда рекъон, 2012 соналда наркотикал тIиритIизариялъухъ ккуна Колхозник ва хадуб цIех-рех чагIазда лъана Амировасул кинал мурадал ругел.
Диваналда Амировас абуна жинда гIунтIизарулел гIайибал гьересиял ругин ва ГIабдулхIалимовас бицарабщинаб жо цIех-рех чагIаз гIакъубабиги кьун бицизабураб бугин. Амировас абуна жиндир кабинеталда киданиги вукIинчIин Колхозник. Жиндие ГIабдулхIалимов диваналда вихьизе бокьун вугин абуна Амировас ва тIаде жубана цIех-рех чагIаз жидее очнияб ставка гьабичIин. Амировасул адвокатазги абуна цIех-рех къануназда рекъон бачун гьечIин. Гьединго адвокатаз бицана ФСБялъул экспертизаялда рекъон, «Стрела-2» абулеб комплекс хIалтIулеблъун кколарин. Адвокатазул пикруялда рекъон гьеб ярагъ цIех-рех чагIаз жидецаго рехараб буго. ТIаде жоялъе ФСБялъ телефоназул биллинг гьабун буго. ЦIех-рех чагIазул материалазда хъван буго Амиров, Джапаров ва ГIабдулхIалимов цо къоялда дандчIанин гьабизесеб такъсиралъул бицине. ФСБялъул документазда рекъон, гьеб къоялда Джапаров Каспийскалда вукIун вуго, Амиров МахIачхъалаялда вукIун вуго, ГIабдулхIалимов Ростовалда вукIун вугоян бицана адвокатаз.
25 апрелалда диваналда сурав босана МуртузагIалиевасухъа. Диваналде гьев вачIинчIо, жинди хIинкъигьечIолъи чIезабизе кIоларланги абун. Москваялда вугев гьесухъа сурав босана видеобухьенги гьабун. Гьес бицана жинда рагIанин Амировас жив чIвазе къасд гьабураблъи. «Нижер интересал дандечIварал батIи-батIиял политикиял ахIвал-хIалал рукIана. Дихъе чанги хабар щолеб букIана, гьелдалъун дица хъизанцин цогидаб улкаялде гочинабуна. Хадуб дида рагIана дир самолет кьвагьизабизе бокьун бугин. Гьеб Амировасул мурад бугин рагIана», - илан бицана диваналда МуртазагIалиевас.
Джапаров Каспийскалъул мэрасул рищщиязда гIахьаллъи букIине бегьулин жиндаги Амировасдаги гъоркьоб дандечIей баккиналъе гIиллалъунилан абуна МуртазагIалиевас. Джапаровасухъе МуртазагIалиевас ругьел битIун буго рищиязда гIахьаллъугеян. РакIалде щвезабила Джапаров вукIана Каспийскалъул нухмлъулев хисулевлъун.
Амировасда гIунтIизарулел гIайибал гьадингосел ургъарал жал ругин рикIкIунеб буго гьесул адвокат Владимир Постанюкица.
Владимир Постанюк: «Амировасги Джапаровасги кидаго абулеб букIана кинабгIаги такъсиралда жидер лъалкI гьечIин. Гьезул рагIаби уял рукIин бихьизабулел хIужжабиги руго. Гьезул бицина нижеца диваналда. Амировасда хурхун рагьараб уголовияб иш политикияб тадбирлъун ккола. Дун чанги журналистгун дандчIвана ва гьезие дидасан рагIизе бокьун буго дица кьезе гьечIеб жаваб. Амировасул делоялда нахъе щив чIун вугев? Гьеб суалалъе жаваб Москваялда балагьизе кколаро, гьелъие жаваб Дагъистаналда батила. «Лъие гьеб къваригIун бугеб? Щал гьел чагIи ругел?» - гьал суалазе жаваб, дида кколеб буго, киназдаго лъалин. Ургъун бахъараб гьеб такъсиралдехун Амировасул ва Джапаровасул хурхен гьечIолъиялъе нугIлъи бихьизабулел хIужаби руго нижехъ».
Диваналъул иргадулаб данделъи тIобитIизе ккола 13 ва 14 маялда. НугIзазухъа сурав босизе буго видеоконференцияги гьабун. Жалго нугIзал рукIине руго МахIачхъалаялда бугеб рагъулаб диваналда.
24 апрелалда диваналъул данделъи гъалмагъиралдаса байбихьана. Амировасулгун Джапаровасул адвокатазул къокъаялда гъорлъ пачалихъалъул лъабго адвокат ккезавуна диванчи Олег Волковас. Адвокатазул цевехъан Владимир Постанюкица абуна жидее цогидал адвокатал къваричIин, вугев анцIго адвокат гIелин. Амма диванчияс адвокатасул гьари къабул гьабичIо. Волковас абуна пачалихъалъул адвокатал ургъунго рачарал ругин диваналъул данделъиял щиб букIаниги сабаблъун гьоркьоса къотIинчIого рукIиналъе гIолоилан.
ТIоцебе диваналда рагIи кьуна прокуроразе. Гьез абуна Амировас Дагъистаналда жиндирго авторитет цIикIкIинабулеб букIанин санаидаса санаиде ва гьесда гIенеккулин республикаялда ругел политикал, депутатал, жамгIиял хIаракатчагIи. Амировасул оппозициялда вукIанин МуртазагIалиевилан абуна прокурорас. Гьесул рагIабазда рекъон, Амировасе рекIее гIун гьечIо МуртазагIалиевасул карьера ва олимпияв чемпион Пенсиязул фондалъул идараялъул нухмалъиялда вачIун хадуб, гьесулгун МахIачхъалаялъул мэрасул гьоркьолъаби жеги хIалуцун руго.
Прокурораз гьединго бицана Амировасе Дагъистаналъул нухмалъулевлъун вахъине бокьун букIанин ва гьелъие гIоло гьес МуртазагIалиев чIвазе теракт хIадурулеб букIанин. МуртазагIалиев Амировасда вихьулев вукIун вуго президентасул кресло щвезе бегьулев аслияв кандидатлъунилан абуна диваналда прокуроразул цояс. Гьесул рагIабазда рекъон, 2010 соналъул ноябралда Амировасул кабинеталде ГIабдулхIалимовгун вачIун вуго Джапаров. ИмгIаласда гьес абун буго теракт ГIабдулхIалимовас хIадур гьабилин. Амировас Колхозникасда (гьеб буго ГIабдулхIалимовасул тIокIцIар) абун буго 150 азарго долларги кьун «Стрела-2» абураб зенитно-ракетнияб комплекс босеян. Прокурораз бицухъе, гьеб «Стрела-2» Колхозникас 2012 соналъул марталда босун буго ва бахчун буго Гъарабудахкент мухъалда бугеб жиндирго блиндажалда. Амма МуртазагIалиев чIваялъе хадуб щибго гьабулеб букIун гьечIо Колхозникас, тIадежоялъе гьесулгун лъай-хъвай бугеб чиясда бицун буго Амировас теракт гьабизе тIадкъанин жиндаилан. Гьев чияс кинабго МуртазагIалиевасда бицанаилан абуна диваналда прокурораз. Гьезул рагIабазда рекъон, 2012 соналда наркотикал тIиритIизариялъухъ ккуна Колхозник ва хадуб цIех-рех чагIазда лъана Амировасул кинал мурадал ругел.
Диваналда Амировас абуна жинда гIунтIизарулел гIайибал гьересиял ругин ва ГIабдулхIалимовас бицарабщинаб жо цIех-рех чагIаз гIакъубабиги кьун бицизабураб бугин. Амировас абуна жиндир кабинеталда киданиги вукIинчIин Колхозник. Жиндие ГIабдулхIалимов диваналда вихьизе бокьун вугин абуна Амировас ва тIаде жубана цIех-рех чагIаз жидее очнияб ставка гьабичIин. Амировасул адвокатазги абуна цIех-рех къануназда рекъон бачун гьечIин. Гьединго адвокатаз бицана ФСБялъул экспертизаялда рекъон, «Стрела-2» абулеб комплекс хIалтIулеблъун кколарин. Адвокатазул пикруялда рекъон гьеб ярагъ цIех-рех чагIаз жидецаго рехараб буго. ТIаде жоялъе ФСБялъ телефоназул биллинг гьабун буго. ЦIех-рех чагIазул материалазда хъван буго Амиров, Джапаров ва ГIабдулхIалимов цо къоялда дандчIанин гьабизесеб такъсиралъул бицине. ФСБялъул документазда рекъон, гьеб къоялда Джапаров Каспийскалда вукIун вуго, Амиров МахIачхъалаялда вукIун вуго, ГIабдулхIалимов Ростовалда вукIун вугоян бицана адвокатаз.
25 апрелалда диваналда сурав босана МуртузагIалиевасухъа. Диваналде гьев вачIинчIо, жинди хIинкъигьечIолъи чIезабизе кIоларланги абун. Москваялда вугев гьесухъа сурав босана видеобухьенги гьабун. Гьес бицана жинда рагIанин Амировас жив чIвазе къасд гьабураблъи. «Нижер интересал дандечIварал батIи-батIиял политикиял ахIвал-хIалал рукIана. Дихъе чанги хабар щолеб букIана, гьелдалъун дица хъизанцин цогидаб улкаялде гочинабуна. Хадуб дида рагIана дир самолет кьвагьизабизе бокьун бугин. Гьеб Амировасул мурад бугин рагIана», - илан бицана диваналда МуртазагIалиевас.
Джапаров Каспийскалъул мэрасул рищщиязда гIахьаллъи букIине бегьулин жиндаги Амировасдаги гъоркьоб дандечIей баккиналъе гIиллалъунилан абуна МуртазагIалиевас. Джапаровасухъе МуртазагIалиевас ругьел битIун буго рищиязда гIахьаллъугеян. РакIалде щвезабила Джапаров вукIана Каспийскалъул нухмлъулев хисулевлъун.
Амировасда гIунтIизарулел гIайибал гьадингосел ургъарал жал ругин рикIкIунеб буго гьесул адвокат Владимир Постанюкица.
Владимир Постанюк: «Амировасги Джапаровасги кидаго абулеб букIана кинабгIаги такъсиралда жидер лъалкI гьечIин. Гьезул рагIаби уял рукIин бихьизабулел хIужжабиги руго. Гьезул бицина нижеца диваналда. Амировасда хурхун рагьараб уголовияб иш политикияб тадбирлъун ккола. Дун чанги журналистгун дандчIвана ва гьезие дидасан рагIизе бокьун буго дица кьезе гьечIеб жаваб. Амировасул делоялда нахъе щив чIун вугев? Гьеб суалалъе жаваб Москваялда балагьизе кколаро, гьелъие жаваб Дагъистаналда батила. «Лъие гьеб къваригIун бугеб? Щал гьел чагIи ругел?» - гьал суалазе жаваб, дида кколеб буго, киназдаго лъалин. Ургъун бахъараб гьеб такъсиралдехун Амировасул ва Джапаровасул хурхен гьечIолъиялъе нугIлъи бихьизабулел хIужаби руго нижехъ».
Диваналъул иргадулаб данделъи тIобитIизе ккола 13 ва 14 маялда. НугIзазухъа сурав босизе буго видеоконференцияги гьабун. Жалго нугIзал рукIине руго МахIачхъалаялда бугеб рагъулаб диваналда.
