МагъчIваялъе рес

Информациялъул рагъул "фронт": гъалатIал такрарлъулел руго...


Къояз цере Дагъистаналда гьарурал тIадекIанцIияз тасдикъ гьабулеб бугин ккола, Россиялда гьукъараб «Исламияб пачалихъ» гIуцIиялъ, Шималияб Кавказалъул рахъалъан экспертаз абухъе, нилъер регионалдаги кьалбал риччалел ругин абураб пикру.

Гьанжеги лъиданиги бажаруларо абизе, кколищ дагьалъ цере гьарурал тIадекIанцIиял Дагъистаналда гIураб заманалъ хутIулеб букIараб парахалъи рагIалде щванин яги щвечIин абизе. Парахалъиянги гьелде абизе захIматго батила, битIун букIине батила официалияб нухмалъиялде дандечIараб къуваталъул гIахьалчагIи жидерго бидулал акциял тIоритIичIого чIун рукIараб заманин абуни.

Информалатаз лъазабулеб буго, гьел тIадекIанцIиязул жавабчилъи жиндего тIаде босанин Россиялда гьукъараб «Исламияб пачалихъ» абураб террористияб гIуцIиялъул Дагъистаналъул (!) бутIаялъин.

Халкъаздагьоркьосеб кризисалъул къокъаялъул ахирисеб докладалда абулеб буго, «Исламияб пачалихъ» гIуцIиялъул пропагандаялда бажарулеб бугин бусурбабазул гIолохъабазде эффективияб асар гьабизеян.

Джемикенталда кьвагьизабуна ГИБДДялъул пост
please wait

No media source currently available

0:00 0:00:36 0:00

«Исламияб пачалихъ» гIуцIиялъул хIалтIи унгоги гьеб батани, гьеб ккола гьелда бажаранин Дагъистаналде бачIине гIадатияб, физикияб гьужум гьабун гуреб яги балъгояб къагIидаялда гIорхъаби рахун гуреб, гIолохъабазул пикруялде асар гьабун бачIине абураб. Гьелъул хIасилги загьирлъулеб буго битIахъего физикияб къагIидаялда, ай кьвагьиялгун тIадекIанцIияздалъун. Гьеб нилъеда баянго бихьана къояз цере гьарурал кьвагьизда ва тIадекIанцIияздалъун.

Щай гьедигIан бигьаго Дагъистаналде щвезе бажарараб гьеб террористияб гIуцIиялда? Кинал рукIарал гъалатIал ва щиб гьабизе кколеб эффективияб къагIидаялда гьеб гIуцIиялъул пропагандаялдеги асаралдеги дандечIезе ккани, абурал ва цогидал суалазе жавабал кьолел руго «Дир ихтиярал – дир эркенлъи» абураб иргадулаб программаялъул гIахьалчагIи Россиялъул халкъазул ассамблеялъул Дагъистаналъул бутIаялъул нухмалъулев Ильясов Зикрулаца ва Москваялдаса тохтур, блогер ва жамгIияв хIаракатчи СагIидов ГIабдурашидица.

ТIубанго нижер программаялъул аудиофайлалда

Информациялъул рагъул "фронт": гъалатIал такрарлъулел руго...
please wait

No media source currently available

0:00 0:16:00 0:00
Интернет-мухъ

XS
SM
MD
LG