Лъазабулеб буго гьединго шиитазул улкаялъул лидер дандчΙвазе вугин Аль-Азхар абураб исламияб университеталда Мисриялъул суннитазул лидер щайих АхΙмад аль ТΙайебгунин.
2011 соналъул байбихьуда мисриялъул президент Хосни Мубарак тΙаса рехаралдаса, Ираналъ гΙамал гьабулеб буго Мисриялъулгун гьоркьорлъаби лъикΙлъизаризе.
КΙиябго рахъалъул гьоркьорлъаби риххун рукΙана 1979 соналда иранлъул исламияб революциялда хадуб.
Жинда нахъ «Ваццал-бусурбаби» абураб исламистазул гΙуцΙи бугев мисриялъул президент МохΙамад Мурси, цебесеб соналда ун вукΙана Ираналде. Гьенив гьев гΙахьаллъана «ЦолъунгутΙиялъул багъа-башариялъул» саммиталда.
Ираналъ лъикΙ къабул гьабуна мисриялъул президентлъун Мурси вищиялъул хΙакъикъат. Гьелъ лъазабуна, гьеб хΙужжа кколин ГΙагараб Машрикъалда гьоркьорлъаби хинлъиялъул тΙоцебесеб этапин ва «кьижун рукΙарал бусурбабазул халкъал рорчΙулел рукΙиналъул» ишарайин.
Гьедин букΙаниги, кΙиябго улкаялъулд пикраби данде кколел гьечΙо Сириялда унеб гражданияб рагΙалда сверун.
Шиитазул исламалъул гΙаркьеллъун рикΙкΙунеб алавитазул жамгΙияталъул вакиллъун кколев сириялъул президент Башар Асадил режималъул рахъ кколезул цояблъун ккола Иран. Тегеран чΙван къотΙун данде буго конфликталде къватΙисан асар гьабиялде.
Гьебго заманалда Мурси ккола сириялъул режималъул тушман. Гьесул хΙукуматалъ загьир гьабуна тΙалъи тΙаса рехизе хΙаракат бахъулеб сириялъул оппозициялъулазул рахъ кколеб букΙиналъул хΙакъалъ.
Каиралда арбагΙ къоялда тΙобитΙизесеб исламиял пачалихъазул саммиталда аслиял суалазда гъорлъ букΙине буго сириялъул рагъалъул темаги. Гьеб рагъалъе гΙоло Сирия гьеб гΙуцΙиялдаса нахъе рехун букΙана.
ЛъебергогΙанаб соналъ мисриялъул нухмалъуда вукΙарав Хосни Мубаракил заманалда Тегераналъулги Каиралъулги гьоркьорлъаби абизе бегьула, кьогΙал рукΙанин.
Цебесеб соналдаса байбихьун гΙагарлъиялъул галаби гьарулел ругониги щвалде щварал дипломатиял бухьенал рахъаз чΙезарун гьечΙо гьанжеги.
Иранлъул исламияб революция ккун дипломатиял гьоркьорлъаби рахъаз риххизарун хадуб Мисри гΙагарлъизе байбихьана Израильгун. Ахир-къадги гьез гъулбасана ракълилаб къотΙи-къай. Ахириселъулгун дипломатиял гьаркьорлъаби Каиралъ чΙезари ракΙалъе гΙечΙо жугΙутΙазул пачалихъ рикΙкΙунареб Тегераналъе.
2011 соналъул байбихьуда мисриялъул президент Хосни Мубарак тΙаса рехаралдаса, Ираналъ гΙамал гьабулеб буго Мисриялъулгун гьоркьорлъаби лъикΙлъизаризе.
КΙиябго рахъалъул гьоркьорлъаби риххун рукΙана 1979 соналда иранлъул исламияб революциялда хадуб.
Жинда нахъ «Ваццал-бусурбаби» абураб исламистазул гΙуцΙи бугев мисриялъул президент МохΙамад Мурси, цебесеб соналда ун вукΙана Ираналде. Гьенив гьев гΙахьаллъана «ЦолъунгутΙиялъул багъа-башариялъул» саммиталда.
Ираналъ лъикΙ къабул гьабуна мисриялъул президентлъун Мурси вищиялъул хΙакъикъат. Гьелъ лъазабуна, гьеб хΙужжа кколин ГΙагараб Машрикъалда гьоркьорлъаби хинлъиялъул тΙоцебесеб этапин ва «кьижун рукΙарал бусурбабазул халкъал рорчΙулел рукΙиналъул» ишарайин.
Гьедин букΙаниги, кΙиябго улкаялъулд пикраби данде кколел гьечΙо Сириялда унеб гражданияб рагΙалда сверун.
Шиитазул исламалъул гΙаркьеллъун рикΙкΙунеб алавитазул жамгΙияталъул вакиллъун кколев сириялъул президент Башар Асадил режималъул рахъ кколезул цояблъун ккола Иран. Тегеран чΙван къотΙун данде буго конфликталде къватΙисан асар гьабиялде.
Гьебго заманалда Мурси ккола сириялъул режималъул тушман. Гьесул хΙукуматалъ загьир гьабуна тΙалъи тΙаса рехизе хΙаракат бахъулеб сириялъул оппозициялъулазул рахъ кколеб букΙиналъул хΙакъалъ.
Каиралда арбагΙ къоялда тΙобитΙизесеб исламиял пачалихъазул саммиталда аслиял суалазда гъорлъ букΙине буго сириялъул рагъалъул темаги. Гьеб рагъалъе гΙоло Сирия гьеб гΙуцΙиялдаса нахъе рехун букΙана.
ЛъебергогΙанаб соналъ мисриялъул нухмалъуда вукΙарав Хосни Мубаракил заманалда Тегераналъулги Каиралъулги гьоркьорлъаби абизе бегьула, кьогΙал рукΙанин.
Цебесеб соналдаса байбихьун гΙагарлъиялъул галаби гьарулел ругониги щвалде щварал дипломатиял бухьенал рахъаз чΙезарун гьечΙо гьанжеги.
Иранлъул исламияб революция ккун дипломатиял гьоркьорлъаби рахъаз риххизарун хадуб Мисри гΙагарлъизе байбихьана Израильгун. Ахир-къадги гьез гъулбасана ракълилаб къотΙи-къай. Ахириселъулгун дипломатиял гьаркьорлъаби Каиралъ чΙезари ракΙалъе гΙечΙо жугΙутΙазул пачалихъ рикΙкΙунареб Тегераналъе.
ЭР-лъул ц1иял харбазул сервис