Депутат Роман Худяковасдаги нилъер гIолохъабаздаги гьоркьоб кьал ккун буго 9 июлалъул къаси. Москваялда нухасан унелъул жидер автомобилалъе нух кьечIогойилан абун, чIезавун депутатгун гьесда чанго нухалъ ботIролъ зар щвезабун буго гьез. Худяков нилъеразул автомобиль ва жалго гьел чагIи телефоналъу видео камераялде рахъизе лъугьиндал гьеб телефон жидехъе кьеянги абун травматикияб таманчаялъул гIоркьалъ депутатасул автомобилалъул цIурдул гъуризе, гьев инжит гьавизе лъугьун руго гьел. Гьелде тIадеги телефоналде ва гьеб кодоб ккурасде тударунги руго дагъистаниял. Роман Худяковас жив депутат вугин абун документ бихьизабидал гьесухъа гьеб кодоса бахъизеги лъугьун руго гIолохъаби.
Гьеб тIадекIанцIиялъул хIасилалда щвараб сакъатлъиялъе гIоло депутат гьаб сагIаталда азарханаялда вегизавун вуго, тохтурзабаз гьесул гIадалнахуй къварилъи ккун бугин рикIкIунеб буго.
Депутатас кьурал баяназда ва гьесухъ бугеб видеоялдасан Худяковасде тIадекIанцIи гьабуразухъ заманаялъ росарал номералги ругеб чIегIераб Тойота Лэнд Крузер автомобиль букIараблъи чIезабун буго къуваталъул идарабаз. I0 июлалъ Волгоград шагьардаса I3 километралъ рикIкIад бугеб бакIалда полициялъ ккуна гьеб автомобиль, гьенисан Россиялъул Жанисел Ишазул министерлъиялъул хасаб вертолеталдаги рекIинарун гьел гIолохъаби Москваялде рачун руго.
Депутатасде тIадекIанцIи гьабуразухъ букIараб автомобилалда релълъараб букIиналъ Волгоградалъул полициялъ хал гьабизе гьеб автомобиль чIезабидал, низам цIунулезде данде хъетIезе лъугьун руго гьенив жанив вукIарав кIиго гIолохъанчи. «Известия» газеталъ кьурал баяназда рекъон гьел кколел руго нилъер республикаялдаса 30 сон барав Хачуек ХIадисов, 28 сон барав Шамиль ХIажиев, 30 сон барав Артур Минбулатов, ва 38 сон барав Закарья ХIажиев. Гьединго полициялъ халгьабулаго гьезухъ батун буго травматикиялдаса рагъулалде сверизабураб кIиго таманчаги.
Худяковасде тIадекIанцIи гьабиялда хурхун уголовияб иш гьабун буго, гьелда рекъон депутат вухарал 2 -7 щвезегIан соналъ туснахъ гьаризе бегьула.
ЛДПР партиялъ жидер депутат Роман Худяков вухиялъул гIайиб бугел хехгьабун тамихIалде цIайилан лъазабуна Россиялъул Жанисел ишазул министер Владимир Колокольцевасда. Гьеб партиялъул бетIер Владимир Жириновскияс жидеца гьеб хIужаялда хадуб халкквезе бугин, гIайибиязе тамихI гьабичIого жал гIодо руссунаринги лъазабулеб буго.
ГIемерал саназ мугIалимлъун хIалтIилей йигей ва жамгIияб хIалтIулъ кIудияб гIахьаллъи гьабулей МахIачхъалаялдаса Зайнаб ГIалимирзаевалъул пикруялда рекъон гьединаб гIорхъолъа араб хьвада-чIвади бугел гIолохъабазе жамгIияб диван гьабизе кколеб буго.
Гьеб тIадекIанцIиялъул хIасилалда щвараб сакъатлъиялъе гIоло депутат гьаб сагIаталда азарханаялда вегизавун вуго, тохтурзабаз гьесул гIадалнахуй къварилъи ккун бугин рикIкIунеб буго.
Депутатас кьурал баяназда ва гьесухъ бугеб видеоялдасан Худяковасде тIадекIанцIи гьабуразухъ заманаялъ росарал номералги ругеб чIегIераб Тойота Лэнд Крузер автомобиль букIараблъи чIезабун буго къуваталъул идарабаз. I0 июлалъ Волгоград шагьардаса I3 километралъ рикIкIад бугеб бакIалда полициялъ ккуна гьеб автомобиль, гьенисан Россиялъул Жанисел Ишазул министерлъиялъул хасаб вертолеталдаги рекIинарун гьел гIолохъаби Москваялде рачун руго.
Депутатасде тIадекIанцIи гьабуразухъ букIараб автомобилалда релълъараб букIиналъ Волгоградалъул полициялъ хал гьабизе гьеб автомобиль чIезабидал, низам цIунулезде данде хъетIезе лъугьун руго гьенив жанив вукIарав кIиго гIолохъанчи. «Известия» газеталъ кьурал баяназда рекъон гьел кколел руго нилъер республикаялдаса 30 сон барав Хачуек ХIадисов, 28 сон барав Шамиль ХIажиев, 30 сон барав Артур Минбулатов, ва 38 сон барав Закарья ХIажиев. Гьединго полициялъ халгьабулаго гьезухъ батун буго травматикиялдаса рагъулалде сверизабураб кIиго таманчаги.
Худяковасде тIадекIанцIи гьабиялда хурхун уголовияб иш гьабун буго, гьелда рекъон депутат вухарал 2 -7 щвезегIан соналъ туснахъ гьаризе бегьула.
ЛДПР партиялъ жидер депутат Роман Худяков вухиялъул гIайиб бугел хехгьабун тамихIалде цIайилан лъазабуна Россиялъул Жанисел ишазул министер Владимир Колокольцевасда. Гьеб партиялъул бетIер Владимир Жириновскияс жидеца гьеб хIужаялда хадуб халкквезе бугин, гIайибиязе тамихI гьабичIого жал гIодо руссунаринги лъазабулеб буго.
ГIемерал саназ мугIалимлъун хIалтIилей йигей ва жамгIияб хIалтIулъ кIудияб гIахьаллъи гьабулей МахIачхъалаялдаса Зайнаб ГIалимирзаевалъул пикруялда рекъон гьединаб гIорхъолъа араб хьвада-чIвади бугел гIолохъабазе жамгIияб диван гьабизе кколеб буго.
