Россиялъул президент Владимир Путиница хамиз къоялда посталдаса нахъе вахъана Федералияб хъаравуллъиялъул хъулухъалъул бетIер Евгений Муров. Гьелъул хIакъалъулъ Кремлалъул пресс-хъулухъалда базабун, лъазабулеб буго «Интерфакс» агентлъиялъ. Агентлъиялъ мухIканлъизабулеб буго, гьев хъулухъалдаса нахъе анин жиндиего бокьунин.
ФСОялъул цIияв бетIерлъун тIамун вуго Дмитрий Кочнев. Гьелда цеве гьев вукIун вуго президентасул хIинкъигьечIолъиялъул хъулухъалъул нухмалъулевлъун.
Муров Федералияб хъаравуллъиялъул хъулухъалъул нухмалъуда вукIана 2000 соналъул маялдаса.