Азербайджаналъул ТIадегIанаб диваналъ буюри кьун туснахъалдаса эркен гьаюна Эркенлъи радиоялъул журналист Хадиджа ИсмагIилова. Гьелъие диваналъ бихьизабун букIараб туснахъалъул 7 сон дагьлъизабуна лъабгогун бащдаб соналде щвезегIан ва гьеб гьелъ бахъизе буго шартIияб къагIидаялда.
Диваналъ гьединаб хIукму гьабуна 25 маялда, журналисталъул аппеляцилъухъ гIенеккун хадуб.
ИсмагIилова аресталде гъоркье йосун йикIана 2014 соналда ва хадусеб соналъул сентябралда магъалаби рахчиялъул гIайиб гIунтIизабун лъун йикIана туснахъалда.
Магърибалъул хIукуматаз ва халкъаздагьоркьосел инсанасул ихтиярал цIуниялъул гIуцIабаз тIалаб гьабулеб букIана гьей эркен гьайи.