Россиялъул президент Владимир Путиница гъулбасана Украиналъул рагъулай Надежда Савченкодаса тIаса лъугьиналъул буюри. Гьелъул хIакъалъулъ лъазабуна президентасул пресс-секретарь Дмитрий Песковас. Гьес гьединго тасдикъ гьабуна Украиналда тамихIалде гъоркье цIан рукIарал россиялъулал Александр Аленксандровги Евгений Ерофеевги Мосваялде щвезарун рукIинги.
Гьелда цебе Украиналъул президент Петр Порошенкоца тасдикъ гьабун букIана Надежда Савченко Киевалде щвезаюн йикIин.
Савченкогун Ерофеевги Александровги хиси хIужа кколеб букIиналъул хIакъалъулъ лъазабуна гьединго тIоцеесалъул адвокат Марк Фейгиницаги.