Гуржиялъулгун визаби гьечIого хьвадиялъул режималдаса инкар гьабулеб букIиналъул хIакъалъулъ лъазабун хадуб, гуржиязул къватIисел ишазул министр Михаил Джанелидзеца хьул загьир гьабуна Евроцолъиялъул улкабазул даимал вакильзабазул комитеталъ гьединаб хIукмуялдаса инкар гьабун, июналде юстициялъул ва жанисел ишазул министразул мажлисалъ гьеб суалалда хурхун позитивияб хIукму къабул гьабизе букIиналде.
Джанелидзеца кIвар буссинабуна, «»Машрикъалъул партнерлъи» абураб ахирисеб саммиталда Евроцолъиялъул улкабазул къватIисел ишазул министраз «визабазул либерализация» гьабиялъул мурадалда рихьизарурал шартIал тIуразари тасдикъ гьарун рукIиналде.