МагъчIваялъе рес

Пентагон: Афгъанистаналъул тIалибазул мулла Ахтар Мансур чIван вуго


22 маялда Пентагоналъ лъазабуна Афгъанистаналъул тIалибазул мулла Ахтар Мансур чIван вукIине рес бугилан.

СШАялъул президент Барак Обамаца изнуги кьун, гьезул беспилотникалъ гьаваялдасан кьаби щвезабуна Пакистаналъулгун Афгъанистаналъул гIорхъодасан унеб автомобилалда. Гьенив жанив вукIарав кIигоязул цояв Ахтар Мансур вукIиналда ракIчIун буго Пентагоналъул вакилзабазул. Гьелда бан цин щаклъи букIана Афгъанистаналда. Амма чанго сагIаталдасан гьеб хIужа тасдикъ гьабуна Афгъанистаналъул миллияб хIинкъи гьечIолъиялъул Идараялъги.

Ахтар Мансурица тIалибазе цевехъанлъи гьабизе байбихьун букIана гъоркьисала июлалда, Мулла МухIамад ГIумар абурав нухмалъулев чIван хадув.

XS
SM
MD
LG