Гьал къоязда прессаялда рукIана баянал 2014 соналъул 17 июлалда Амстердамалдаса Куала-Лумпуралде боржунеб букIараб Боингалда хварал гIадамазул гIагарлъиялъ Европаялъул диваналде гIарза хъван бугин.
Гьениб абулеб бугин Россиялъги гьелъул президент Владимир Путиницаги жидее рецIел кьезе кколин, щайин абуни Донбассалда тIасан боржунаго гьеб Боинг бортизабун бугин Россиялда гьабураб «БУК» абулеб ракетаялъ. Амма Кремлялда гьеб рецIалил гIарац кьеян абураб гIарзаялъул хIакъалъулъ лъалеб жо гьечIо.
Амма дол хварал гIадамазул Австралиялда, Новая Зеландиялда, Малайзиялда бугеб гIагарлъиялъ Россиялдаса щивав хварасухъ анцI-анцI млн доллар тIалаб гьабизехъин рагIула.