Россиялда регионалиял администрациял лъугьунел ругин политикиял партиязул хIалтIуда гъорлъеян хъвалеб буго «Голос» абураб багъа-бачариялъул докладалда.
Хасго «Единая Россиялъе» праймеризалъе кандидатал тIаса рищулелъул. ТIадежоялъе гьел кандидатазулгун дандчIваязде ритIулел ругила цIалдохъабиги пачалихъалъул идарабазул хIалтIухъабиги. Гьединго пайда босулеб бугила пачалихъиял минабаздасаги транспорталдасаги.
«Голос» абураб багъа-бачариялъухъе щварал баяназда рекъон, праймернзалде гIадамазул 10 проценталдаса дагь чи вачIине бегьуларин хъварал кагътал тIиритIизарун рагIула Башкириялда, Москва, Иркутск, Самара, Свердловск, Челябинск, Ярослав мухъазда.
«Единая Россиялъин» абуни цебеккунисеб гьаркьал кьей тIобитIизе буго 22 маялда. Гьелъул хIасилазулъ балагьун гIуцIизе буго исана 18 сентябралда Пачалихъияб Думаялде рихьизаризесел кандидатазул сияхIги.