МагъчIваялъе рес

СШАялъул миллияб хIинкъи гьечIолъи чIезабиялъул Агентлъиялъул вукIарав хIалтIухъан Эдвард Сноуденица загьир гьарурал документазда рекъон, гьезул хасал хъулухъаз хал ккун букIун буго Тамбовалъул такъсирияб къокъаялъул цевехъан Владимир Кумаринилгун Россиялъул президент Владимир Путинилгун бухьен бугищали. Гьедин 2002-2003 соназда телефоналдасан нахъа гIенеккун рукIун руго гьел. 1990 соназда Петербургалда машгьурав чи вукIун, «Ночной губернатор» абураб тIокцIарги букIун буго гьев Кумаринил.

Путиниде чанцIулго гIайибал гIунтIизарун рукIана Сjвет Союз биххун хадуб жинца политикияб карьера гьабураб Петербургалда такъсириял къокъабазулгун бухьен букIанин абун. Амма Кремлялъ нахъчIвана гьел гIайибал.

XS
SM
MD
LG