Россиялда туснахъазда хадуб хал кколеб идараялъ (ФСИН) юстициялъул министерлъиялъухъе кьуна пилот Надежда Савченко Украинаялде йитIизе рес кьолел документал. Гьедин лъазабуна РИА Новости сурсаталъ.
Маялъул байбихьуда гьеб идараялъ Украинаялдаса тIалаб гьабуна Савченкода къотIараб хIукму гIумруялде бахъинабейилан. Гурони кьеларин гьей дое йиччалел документал.
20I4 соналъул риидал Росиялъул журналистал чIваялъул гIайиб тIад чIезабуна гьелда. Амма жийго Савченко гьелъие мукIурлъичIо.
Исана апрелалда гьелъ цIезаруна терроризмалъул гIайибги чIезабун Украинаялда жанир тIамун ругел Евгений Ерофеевасухъги Александр Александровасухъги жий хисизе рес кьолел документал.