"Чикаго Трибюн" абураб Америкаялъул газетаялъ итни къоялъ бахъана Рио-де-Жанейроялда букIинесеб Олимпиалдалда гIахьаллъизе Россиялдаса спортсменал риччагеян абураб макъала.
Допингалдалъун гуреб, жидерго къуваталдалъун цере рахъунел спортсменазул рахъккураб тадбирлъун букIинин гьебилан рикIкIунеб буго газетаялъ. Гьединго Россиялдаги бичIчIун букIинила хIиллаялдалъун мурадалде щолареблъи.
Чанго къоялъ цебе ахIи-хIур бахъун букIана Сочиялда тIобитIараб Олимпиадаялда Россиялъул ункъо спортсменас стероидал хIалтIизарун ратиялда тIасан.