2018 соналда президентасул рищиял тIоритIун хадур Россиялъул хIукуматалъ цIикIкIинаризе руго гIадамазе щолеб хайиралдаса бахулеб магъало – 13 проценталъул бакIалда 20 процент букIине бегьула гьеб.
Гьединго цогидал магъалабиги цIикIкIине рес буго. Гьедин лъазабулеб буго The Wall Street Journal сурсаталъ Россиялъул хIакимзабазде мугъчIвайги гьабун. ХIукуматалъе къваригIун бугила тIокIалъ чIечIого нартил багьа учузлъулеб бугелъул, бюджеталда лъугьарал «картIал рацизе».
КигIан магъалаби цIикIкIинареян тIалаб гьабулеб букIаниги, 2018 соналде щвезегIан гьел рукIахъего тезе ругин абун букIана гьеб улкаялъул премьер-министр Дмитрий Медведевас исана марталъул ахиралда. ГьабсагIаталда магъало кьеялъулъ бугеб нахъраталидаса пайда босани тIуразе ругила.