Москваялъул Хованское абулеб хабздазда букIараб тунка-гIуссиялъул хIасилалда ккурав 40 чи Россиялдаса къватIивехун инавизе рес буго гьез миграционияб низам хвезабун букIиналъ.
ГIаммаб къадаралда 112 чи ккун вуго. Гьадин лъазабуна РИА "Новости" агентлъиялъ гIадоу-низам цIунулезул баяналда мугъ чIвай гьабун.
Жанисел Ишазул министерлъиялъул бихьизабиялда рекъон 14 маялда гьениб багъарараб кьалда 200-гIан чи гIахьаллъана. Цо рахъалъан Централияб Азиялдаса рачIерал гIадамал, цогидаб рахъалъ – Шималияб Кавказалъул вакилзаби.
Гьеб тунка-гIуссиялъул хIасилалда лъабго чи чIван вуго, 20-гIанасев азарханаялда вегизавун вуго.