Афгъанистаналъул Ракълил ТIадегIанаб Шураялъ лъазабуна, жидеца «ХIезб-и-Ислами» (Исламияб Партия) абулеб радикалияб къукъагун маслигIаталъул аслиял суалал дандан ругин.
Абулеб буго къотIи-къай 15 маялда къабул гьабизехъин бугин.
Рехсараб партиялъул цевехъан Гульбеддин ХIекматияр рикIкIунев вуго вищун радикалияв авлахъалъул нусибетIерлъун. 2001 соналдаса байбихьун «ХIезб-и-Ислами» къукъаялъул рагъухъабаз цо чанго гьужум гьабун буго Америкалъул ва Афгъанистаналъул рагъулал хъулухъчагIазде. Гьелъул хIасилалда гIезегIанго гIадамал чIван руго.