Допингалде данде чIараб ТIолго Дунялалъул агентлъиялъ талат къоялъ лъазабуна, жидеца байбихьанин 20I4 соналда Сочиялда букIараб Олимпиадаялда Россиялъул спортсменазе щварал бергьенлъабазул цIех-рех гьабизе, гьез гьукъарал препаратал хIалтIизариялда щаклъи ккедал.
Гьеб хIукму гIунтIун буго меседил медалал щварал Россиялъул ункъго спортсменазда. ГьатIан къоялъ «60 минут» абулеб Америкалъул CBS телеканалалъул программаялда рихьизарун рукIана Россиялъул Допингалде данде чIараб агентлъиялъул вукIарав хIалтIухъан Виталий Степановасул ва Москваялда бугеб лабораториялъул вукIарав бетIер Григорий Родченковасул Скайпалдалъун гьабун букIараб гара-чIварилъул кескал.
Родченковас бицен гьабулеб букIана Россиялъул спортсменаз допинг хIалтIизабун букIиналъул. Хасго гьеб тьелепрограммаялдаса нахъе ТIолго Дунялалъул агентлъиялъ хIукму гьабуна цIех-рех гьабизе.