Тибилисиялъул сверухълъиялда «Вазиани» абулеб цебе Россиялъул букIараб рагъулаб базаялда байбихьана "Noble Partner 2016" абулеб Гуржиялъул, Америкалъул ва Британиялъул аскариязул рагъулаб яравуллъи. Гьелъулъ гIахьаллъи гьабулеб буго Цолъарал Штатазул 650, Гуржистаналъул 500 ва КIудияб Британиялъул 150 рагъулав хъулухъчияс. Гьадин лъазабулеб буго Нижер радиоялъул мухбирас.
Гуржистаналде щвезабун буго Америкалъул Цолъарал Штатазул анцIго танк ва цогидаб чIахIияб рагъулаб техника. Гьеб рагъулаб яравуллъи халат бахъине буго 26 май щвезегIан.
Россиялъул КъватIисел ишазул министерлъиялъ гьеб яравуллъи какана ва абуна, гьеб бугин Гуржистаналъул территориялда квер лъезе гьабулеб къасдилан.
Жавабияб лъазабиялда Гуржистаналъул дипломатикияб идараялъ абулеб буго жиндир улка лъидаго бачIеб бугин ва жиндир ихтияр бугин гьадинал ишал тIуразаризе.