МагъчIваялъе рес

ООНалъ какана 8 тIалиб чIваялъул хIужа


Руперт Колвиль
Руперт Колвиль

8 маялда Афгъанистаналда диваналъул къотIиялдалъун анлъго тIалиб чIван вукIиналда бан Цолъарал Миллатазул ГIуцIиялъ лъазабуна гьеб хIужаялъ жиндир рахIат хвезабунила.

Рехсараб ГIуцIиялда цебе бугеб инсанасул ихтиярал цIунулеб идараялъул вакил Руперт Колвилица анцIабилеб маялда абуна жиндир щаклъи ккун бугин диваналъул хIукму ритIухъаб букIиналда.

Гьес лъазабуна жиндихъ далилал ругин гьел тIалибазе гIазаб-гIакъуба кьун букIиналъе гьел хIалица гIайибалъе мукIурлъизаби мурадалда.

Цолъарал Миллатазул ГIуцIиялъ Афгъанистаналъул тIалъиялде ахIи бана диваналъул къотIиялдалъун гIадамал чIваялда мораторий лъазабизе кколеблъиялда.

Жиндир иргаялда гьеб улкаялъул президентасул канцеларалъ лъазабуна диваналъул къотIи Афгъанистаналъул конституциялдеги Ислам диналъул къануназдаги тIубанго данде кколеб бугин абун.

XS
SM
MD
LG