21 маялдаса байбихьун 28 маялде щвезегIан Америкалъул Цолъарал Штатазул президент Барак Обамаца тарихияб сапар бухьизехъин буго Япониялде ва Вьетнамалде, ян лъазабуна ХъахIаб Рукъалъ.
Вьетнамалда Барак Обамаца дандбазе буго Ханоялъулгун Вашингтоналъул бухьенал церетIезариялъул суал. Япониялда Америкалъул президент гIахьаллъила КIудияб Анкьилабалде гъорлъе унел улкабазул бутрIузул данделъиялда. Гьоркьбоб лъезе руго экономикиял ва хIинкъи гьечIолъи цIуниялъул суалал.
Гьединго Барак Обамал хиял буго Хиросимаялде ине, хасго гьеб сабаблъун гьесул визит тарихияблъун рикIкIунеб буго Вашингтоналъ.