Допингалда данде чIараб тIолгодунялалъул агентлъиялъ (WADA) цIехезехъин буго Россиялда гIуцIараб гьединабго агентлъиялъул вукIарав хIалтIухъан Виталий Степановас CBS каналалдасан бицараб харбил хIакъикъат.
«60 минут» передачаялдасан кIалъалаго гьес абуна 2014 соналда Сочиялда Олимпиадаялда меседил медаль щварав Россиялъул ункъо спортсменас стероидал хIалтIизарун рукIанилан. Хасаб лабораториялъул нухмалъулевлъун вукIарав Григорий Родченкоца гьеб хIужа телефоналдасан тасдикъ гьабулеб аудиоги бугин жиндихъилан бицана Виталий Степановас. Гьединго Олипиадаялда допингалъул рахъалъ спортсменазул хал гьабизе жидее квалквал гьабулеб букIанила хIинкъи гьечIолъи чIезабулеб федералияб хъулухъалъги.