Берлиналде щвана «Ночные волки» абураб байкеразул къокъа – 200 мотоциклист. Гьез хIисабалде босун буго КIудияб ВатIанияб рагъул заман ракIалде щвезабун, Бранденбургалъул кавабахъ тIугьдулги лъезе, тарихиял бакIаздеги щвезе.
Байкерал Москваялдаса къватIире рахъана 29 апрелалдаго. Берлиналде гьел щвезе кколаан Белоруссиялдасан, Польшаялдасан, Словакиялдасан, Австриялдасан, Чехиялдасан.
Амма Польшаялъ инкар гьабуна гьезул анкьго чи жидер улкаялде виччазе.
Гьединго «Ночные волки» Чехиялъул тахшагьар Прагаялде рачIиндал, гьезде ахIдезе лъугьана цо-цо активистал. Гьединго рихьизаруна карикатураби гIадин рахъарал Россиялъул президент Владимир Путинил ва Чехиялъул президент Милош Земанил суратал. Гьезда гьоркьоб букIана Путин Гитлерида релълъинавун бахъараб суратги.
«Волказул» нухмалъулев Александр Залдостанов (тIокIцIар «Хирург») рикIкIуна Путинил гьудуллъун. Гьесие гьукъун буго Евросоюзалдеги СШАялдеги вачIине.