МагъчIваялъе рес

КIудияб ВатIанияб рагъул ветеранал инжит-хIакъир гьарурал чагIи тамихIалде цIалеб къануналъул проект бахъун буго Россиялъул Пачалихъияб Думаялъул коммунистаз. Гьеб кватIичIого депутатазда цебе лъезе ракIалда буго гьезда.

Ветераназул къимат хвезабуралъухъ гьабулеб тамихI батIи-батIияб буго (кинан гьеб къимат хвезабун бугебали балагьун) – 300 азарго гъурщил гIакIаялдаса байбихьун 3 млн гъурщиде щвезегIан, гьединго лъагIалица туснахъ гьаризеги рес буго.

Масала, ветераназе бараб монумент биххизабуни, лъуралъуса нахъе босани – цо млн гъурщил гIакIа къотIулеб буго.

XS
SM
MD
LG