Афгъанистаналъул официалиял хъулухъчагIаз тасдикъ гьабуна, интеренеталда тIибитIизабураб чIужугIадан чIвай бихьизабураб видео хIакъаб букIин. Гьей чIван рагIула талабизул диваналъул хIукмуялда рекъон.
Афгъанистаналъул талъиялъ лъазабулеб буго, видео кIиго моцIалъ цебе бахъараб бугин.
Гьелда бихьизабун буго 200 гIанав чи дандевакIарараб бакI. Гьел гIенеккун руго бакIалъулал талибазул нухмалъулес загьир гьабулеб вердикталъухъ. ЧIужугIаданалде гIунтIизабулеб буго росс чIваялъул гIайиб. Хадуб ботIролъ таманчаги речIун, гьей чIвалей йиго.