Марсалда гIумрудул гIаламатал ралагьизе Россиялъгун Европаялъ гьабизесеб цадахъаб хIалтIул кIиабилеб этап 2018 соналдаса 2020 соналде бахъун буго. Гьедин лъазабуна Европаялъул космосалъулаб агентлъиялъги Роскосмосалъги.
Агентлъиялъул лъазабиялда рекъон, гьеб болжал нахъе цIаялъе гIиллалъун ккун буго кIиябго рахъалъул хIалтIабазул график хвезабун букIиналда.
Космосалъул программаялъул тIоцебесеб этапалъул хIасилал баянлъизе бегьула октябралда. Гьеб мехалда гьенибе щвезе буго Байконуралдаса биччараб космосалъул гама. Гьелъ хал-шал гьабизе буго Марсалъул атмосфераялъул. Цадахъаб хIалтIиялъул кIиабилеб этапалда роботаз буризе буго Марсалъул ракь ва лъазабизе буго сундаса гьеб гIуцIун бугебали.