МагъчIваялъе рес

Болжал лъугIарал яги жанир лъурал къучIбузе гIунгутIи ккарал кванил нигIматал гIодоре рехичIого тезе хIукму гьабуна Чехиялъул сенаталъ.

Гьелъ къабул гьабураб цIияб къануналда рекъон, квадратияб 400 метра кIодолъиялда ругел тукабазда тIадаб буго церехун бицен гьабурал гIунгутIаби лъугьарал кванил нигIматал ресукъал гIадамазе рикьизе.

Амма гьеб хиса-басиги гIадахъ босичIого, супермаркетаз гьел нигIматал церего гIадин гIодоре рехулел ругони, гьезда тIад къотIизе буго 10 млн кроналъул гIакIа.

Къануналда гъоркь Чехиялъул президент Милош Земаница гъулбас лъезе хутIун буго.

XS
SM
MD
LG