Исана сентябралда Россиялъул Пачалихъияб Думаялде тIоритIулел рищиязда хадур халккун ПАСЕялъул вакилзаби рукIине гьечIо. Гьедин лъазабуна спикер Сергей Нарышкиница «Известия» газеталъе. Амма гьезул бакIалда Россиялъ ахIизехъин руго ОБСЕялдасаги миллиял парламентаздасаги вакилзаби.
Рищиязда хадуб хал кквезе ПАСЕялдаса вакилзаби рачIунгIутIиялъе гIиллалъун ккун буго Россиялъ Крымалъе аннексия гьабун хадуб гьеб улкаялъул вакиллъи Парламенталъул Ассамблеялдаса нахъе битIун букIин.