МагъчIваялъе рес

Юрий Чайка: «Панамаялъул» документазул хабар ккола бугьтан


Россиялъул президент Владимир Путиницаги гьесул сверухълъиялдаса чагIазги улка тун къватIибе гIарац баччулеб бугин, киналалиго «панамаялъулин» абурал документал тIатинарунин абурал баянал бугьтанал кколин лъазабуна Россиялъул генералияв прокурор Юрий Чайкаца.

Гьебги бугила бакътIерхьул рахъалъул цо пачалихъалъ тIадкъайги кьун гьабулеб жо. Гьединлъидал жинца Панамаялъул нухмалъиялде гIарза хъванила гьеб хабар уяб бугищали хал гьабеян.

Юрий Чайкаца гьедин абуна арбагI къоялъ Россиялъул Федерациялъул Цолъиялда кIалъалаго. Генералияв прокурорасул рагIабазда рекъон, Россиялда данде информациялъул рагъ гьабулеб рагIула.

XS
SM
MD
LG