МагъчIваялъе рес

«Справедливая Россия» партиялдаса Пачалихъияб Думаялъул депутат Жанисел ишазул министерлъиялъул генерал-майор Татьяна Москалькова яхъун йиго инсанасул ихтиярал цIуниялъул тIадкъаял тIуразарулейлъун.

Гьелъ гьеб хъулухъалда хисана Централияб рищиязул комиссиялъул нухмалъиялде тIамурай Элла Памфилова.

ЦIияй омбудсмен хIисабалда Москвальковалъ лъазабуна, жинда ракIалда бугин «инсанасул ихтиярал политикияб инстрмент хIисабалда хIалтIизабизе хIалбихьулеб Магърибалде дандечIезейин».

Инсанасул ихтиярал цIунулез ва оппозициялъулаз рикIкIунеб буго, гьеб хъулухъалда гьей тIами кIудияб гъалатI кколин ва гьел щаклъулел руго захIматаб хIалалде ккарал гражданазе гьелдаса хIакъаб кумек щвезе букIиналда.

XS
SM
MD
LG