СШАялъул рахIатхун буго Россиялъ Сириялде рагъуе хIажатаб къайи битIулеб букIиналда бан. Гьелъ Россиялъе квешаб хIасил кьезе буго.
Гьедин абуна 21 апрелалда Эр-Риядалда кIалъалаго Америкаялъул президентасул гIакълучи Бен Родсица. Гьениб букIана гIараб улкаби цадахъ рекъон хIалтIиялда бан Америкаялъул президент Барак Обамаги гIахьаллъун тIобитIулеб саммит.
Эр-Риядалде вачIиндал Барак Обама къабул гьавуна СагIудиязул ГIарабиялъул къирал ГIабдал ГIазиз Аль СагIудица. Гьеб дандчIваялда президентас абуна Россиялдаги цогидал улкабаздаги гьукъун бугеб «Исламияб пачалихъ» абураб гIуцIиялда данде къеркьей хIалуцинабизе ккеялъул.