Жив ахIи-хIуралъулги революциязулги рахъ кколев чи гурин абуна Самараялда пресс-конференция тIобитIулаго ПАРНАС партиялъул нухмалъулев Михаил Касьяновас.
Гьединлъидал улкаялда ахIвал-хIал ракълилаб куцалда хисизабизе ракIалда бугила жинда. Касьяновасул рагIабазда рекъон, гьабсагIаталда Россиялда лъугьараб экономикиябги социалиябги хIалалдаса рорчIизе нух рагIуларо тIалъиялъул.
Гьбе прес-конференция кьолеб мехалда Кремлялъул рахъккураб «Антимайдан» абулеб багъа-бачариялъул чияс Самараялда бан букIана Касьяновасда тIасан бахъараб карикатураги. Амма гьес абуна къуват хIалтIизабулеб гьечIони, жиндие гьединаб жалазул ургъел букIунарила. Бокьарав чиясул ихтияр бугила щибниги абизеги ахIдезеги.