Кремлалъул пресс-секретарь Дмитрий Песковас лъазабуна Россиялъе лъикIаб асар гьабунин Гаагаялъул диваналъ гьабураб хIукмуялъ.
Гьелъ мекъаблъун рикIкIана ЮКОС компаниялъул акциячагIазе компенсация хIисабалда Россиялдаса 50 азарго млрд доллар бахъизе Кидагосеб палатаялъул третейский абулеб диваналъ цебе лъураб тIалаб. Щайин абуни, гьеб диваналъул ихтияр гьечIин гьединал суалал цере лъезейин лъазабуна Гаагаялъул диваналъ. Амма акциячагIазда ракIалда буго гьелда дагIба базе.