Федерациялъул Мажлисалъул бетIер Валентина Матвиенкоца рикIкIунеб буго Россиялъул туснахъалда йигей Украиналъул пилот Надежда Савченко россиялъулазухъ хисизе бегьулин. Гьелъул рагIабазда, гьанже гьей хисиялда сверун «къануназул формула» гьоркьоб лъолеб буго. Гьелъул хIакъалъулъ лъазабулеб буго «Интерфакс» агентлъиялъ.
«Гьединаб рес гIумруялде бахъине ккани, къваригIуна кIиябго рахъалъул политикияб хьул. Нижер рахъалдаса гьеб буго». – ян лъазабуна Федерациялъул Мажлисалъул нухмалъулелъ.
Гьелда цебе Украиналъул президент Петр Порошенкоцаги лъазабун букIана, Савченко хисиялъе дандбалеб бугин пуланаб алгоритм.