Россиялъ аннексия гьабураб Крымалъул прокурор Наталья Поклонскаялъ ТАСС агентлъиялъе лъазабуна "Крым.Реалии" абураб сайт блокалда лъезе хIаракат бахъизе бугин жинца. Гьелъие гIоло Россиялъул прокуратураялдегун Роскомнадзоралде гIарзаби ритIизе ругин кватIичIого.
Поклонскаялъ рикIкIунеб буго гьеб сайталдасан гьабулеб хIалтIи бугин Крымалда Россия сурун бихьиялъе гьабулеб. Экстремизмалде ахIиги балеб бугин гьениб.