МагъчIваялъе рес

Жанубияб Кореялъул президент Пак Кын Хеялъ лъазабуна Шималияб Корея хIадурлъулеб бугин щуабилел ядериял хIалбихьиял гьаризе. Президенталъ мухIканлъизабичIо кинал баяназул квербакъиялдалъун гьединаб пикру жиндир ккарабали. Амма бокьарал хIалбихьиязде хIадурго рукIине буюрухъ кьуна улкаялъул рагъулал къуватазе.

Исана лъагIалил байбихьуда Шималияб Кореялъ лъазабун букIана жидехъа бажаранин водородная абулеб бомбаялъул хIалбихьи гьабун. Амма доб мехалда гIемерисел экспертазул ракIчIей букIинчIо гьеб улкаялъул гьединал ресал ратиялда. БукIинчIониги, гьеб хIужаялдаса хадуб Шималияб Кореялъе гIезегIан санкциял лъезе байбихьана, цадахъго гьогьен ккана Жанубияб Кореялъулгун Шималияб Кореялъул гьоркьоблъиялъеги.

XS
SM
MD
LG