МагъчIваялъе рес

СШАялъул пачалихъияв секретарь Джон Керрица квешаб къимат кьуна Россиялъул Рагъулал аэропланаз Балтиялъул ралъдалъ чIараб «Дональд Кук» абулеб Америкалъул эсминецалда тIад тIавап гьабиялъе. ЩибгIаги «пич-бакъ гьечIеб», «гIантаб» провокация букIанин гьебилан абуна гьес. Рагъулал тIалабазда рекъон, жидеда кIолаанила речIчIун жогун гьеб гIодобе бортизабизе. Хадурккун гьединал хIужаби такрарлъунгутIиялде хьулги загьир гьабуна Керрица.

Бицен гьабулеб хIужаялда бан Россиялъул улка цIуниялъул министерлъиялъул вакил Конашенков Игорица абун букIана СУ-24 абулел Россиялъул аэропланаз гьеб бакIалда ругьунлъиялъул тадбирал тIоритIулел рукIанин.

Америкалъул гама гьеб мехалъ букIун буго Россиялъул рагъулабгун ралъдал базаялдаса 70 километралъул манзилалда.

XS
SM
MD
LG