Россиялъул Рагъулал аэропланаз тIавап гьабуна Балтиялъул ралъдалъ чIараб «Дональд Кук» абулеб Америкалъул эсминецалда тIад.
Гьез гьенир хIинкъи гьечIолъиялъул киналго шартIал цIунун рукIанин лъазабуна Россиялъул улка цIуниялъул министерлъиялъул вакил Конашенков Игорица. Гьесул рагIабазда рекъон, СУ-24 абулел аэропланаз 11 ва 12 апрелалда гьеб бакIалда ругьунлъиялъул тадбирал тIоритIулел рукIана.
Америкалъул гама гьеб мехалъ букIун буго Россиялъул рагъулабгун ралъдал базаялдаса 70 километралъул манзилалда. 13 апрелалда Цолъарал Штатазул Рагъулабгун Ралъдал Флоталъул нухмалъиялъ тIиритIизаруна гьеб бакIалда тIавап гьабулаго рахъарал Россиялъул аэропланазул сураталгун видео. Гьединго лъазабуна гьеб букIанин унго-унгояб провокация.