Украинаялъул Верховная радаялъул спикер Владимир Гройсманица Фейсбукалдасан лъазабуна гьеб улкаялъул хIукуматалъе бетIерлъи гьабизе жив хIадур вугилан.
Гьесул рагIабазда рекъон, министразул цIияб кабинеталъ кутакаб дандечIей гьабизе рагIула ришватчилъиялда.
12 апрелалда депутатаз Арсений Яценюк нахъе ине гьаркьал кьезе ва гьесул бакIалде Гройсманги вищун, цIияб хIукумат гIуцIизе кколеб букIун буго. Амма гьаркьал кьеялъул тадбир цоги къоялълъагIан нахъбахъун буго депутатаз.