Туркиялда ккун вуго чачаназул исламист ГIабдулвахIид Эдельгиреев чIваялда щаклъи бугев Россиялдаса кIиго чи - Юрий Анисимовги Александр Смирновги. Гьел ккун руго машинаби чIолеб бакIалда сураталгун видео бахъулел ратун. Гьедин лъазабулеб буго Туркиялъул "Hurriyet Daily News" газеталъ.
Амма гьеб улкаялъул тIалъиялъ жеги официалияб лъазаби гьабун гьечIо гьел чагIазда тIасан.
ГIабдулвахIид Эдельгиреев чIван ватана Стамбулалда, гъоркьисала 1 ноябралда, жиндирго рукъалда аскIов. Гьев кколаан Мовлади Удуговасул гIагарав чи, гьесул вакьад ГIиса ГIумаровин абуни ккола экстремизмалъулин рикIкIунеб «Имарат Кавказалъул» вакил. ГIабдулвахIид Эдельгиреев вукIана Россиялда гьукъараб «Кавказ-центр» абулеб интернет-ресурсалъул администраторги.