Россиялда гIуцIараб Миллияб гвардиялда цIар лъолеб буго Росгвардия абун. Гьедин лъазабуна Россиялъул президент Владимир Путиница кьураб буюрухъалда.
Гьениб бицунеб буго Миллияб гвардиялда тIадаб бугин жамгIияб гIадлу-низам чIезабизеги, терроралдагун гIуцIун гьабулеб такъсирчилъиялда данде къеркьезеги, улкаялъул гIорхъи цIунизе федералияб хIинкъи гьечIолъи чIезабиялъул хъулухъалъе кумек гьабизеги.
Гьединго гвардиялъул рагъухъабазул ихтияр букIине буго гIадамазе яги гьезие жидеего хIинкъи букIин бихьани, щибгIаги лъазабиги гьабичIого кьвагьизе ва къуват хIалтIизабизе.