Шималияб Кореялъул разведкаялъул шеф Жанубияб Кореялде тIурун вугин лъазабуна бакътIерхьул рахъалъул информалатазул журналистаз. Skynews телеканалалъул баяналда рекъон, Корея республикаялъул улка цIуниялъул министерлъиялъул вакиласги тасдикъ гьабулеб буго гьеб хIужа.
Амма инкар гьабулеб буго гьев, довехун тIурарав чиясул цIар абизе. ГIицIго лъелал аскаразул полковник вугилан абулеб буго.
Ренхап агентлъиялъги лъазабулеб буго гьев вугин кутакалда кIудияб даражаялъул рагъулав хъулухъчи. Гьес Жанубияб Кореялъухъе кьун бугин Шималияб Кореялъул жасусаз гьезда тIасан бакIарараб информацияги.