Жибго жинцаго лъазабураб Жанубияб Осетиялда референдум тIобитIизе бегьула исана августалде щвелалде. Гьениб гьоркьоб лъезе буго Россиягун цолъиялъул суал. ТАСС агентлъиялъе гьедин лъазабуна гьеб республикаялъул бетIер Леонид Тибиловас.
Халкъалъе Россиягун цолъизе бокьун букIиналда бан жиндир нусго проценталъул божилъи бугин абуна Тибиловас. Щайин абуни 1992 соналдаги букIанила гьединабго референдум тIобитIун. Халкъалъ разилъи кьуниги, гьеб гIумруялде бахъинабун бажаричIила доб мехалъ.