Офшоразул къагIидаялда гIарац бикъиялде ва магъалаби кьунгутIиялде данде къеркьеялда цадахъаб хIалтIи гьабизе инкар гьабулеб бугони, Евроцолъиялъ санкцияби лъазариялъул хIинкъиял кьолел руго Панамаялъе ва цогидал улкабазе.
Экономикияб ва финансазул суалазул рахъалдаса Еврокомиссиялъул гIахьалчи Пьер Московисица ракIалде щвезабуна, Панама Евроцолъиялъ магъалаби кьунгутIиялъул хIужабазул цIех-рехх гьабиялда гIахьаллъуларел улкабазул сияхIалде босун букIин. Гьес Панамаялъул нухмалъи ахIана жиндирго позиция хисизабиялде. Гурони жидеца санкцияби лъазаризе ругин, жубана Московисица.