Кремлалъ рикIкIунеб буго Россиялъул президентасул гьудул, музыкант Сергей Ролдугинил финансазул операциябаз къанунал хвезарулел гьечIин ва гьезул хIакъалъулъ информация къватIиб чIвазабизе гьечIин.
Гьелъул хIакъалъулъ лъазабуна президентасул пресс-секретарь Дмитрий Песковас, кинал бакъназул алатал Ролдугиница росанин, кинаб гьезул багьа букIанин ва щай гьелъие офшоралъул схемаби къварагIаралин, абун лъурал сулазе жаваб кьеялъул бакIалда.
Путиницаги лъазабуна, жинда «Панамаялъул документазда» кинаб гIаги коррупциялъул бутIа бихьулеб гьечIин ва жив чIухIарав вугин Ролдугинилгун гьудуллъиялдасайин.